ABŞ Hərbi Dəniz Qüvvələrinin zabiti Nəimi Amiral ölkənin 5-ci donanmasında xarici əlaqələr şöbəsinin rəisi vəzifəsinə təyin olunub.
Bu barədə Nəimi Amiralın dostu, diaspor üzrə araşdırmaçı ekspert Elnur Eltürk məlumat verib.
Qeyd edək ki, ABŞ-ın 5-ci donanması Bəhreyndə yerləşir. 5-ci donanma Fars Körfəzi, Hind Okeanı və Yaxın Şərq ölkələrini əhatə edən böyük bir coğrafiyanın təhlükəsizliyini təmin edir. Nəimi Amiral bundan əvvəl Pentaqonda, Dəniz Qüvvələri mərkəzi aparatında Rusiya və Avropa şöbəsinə rəhbərlik edirdi.
Nəimi Amiral 20 ilə yaxındır ABŞ Hərbi Dəniz Qüvvələrində xidmət edir və polkovnik rütbəsi daşıyır.
