Pakistan və Hindistan arasındakı son gərginlik bir daha sübut etdi ki, pakistanlılar cəsur, qürurlu və ləyaqətli xalqdır.
Teleqraf xəbər verir ki, bunu Pakistanın sabiq baş naziri İmran Xan deyib.
“Əsgərlərimiz (Hindistan Baş naziri) Modini həm hava, həm də quru cəbhələrində məğlub etdikləri kimi, Pakistan xalqı da sosial mediada Modi və Hindistan mediasının uydurma iddialarını qlobal səviyyədə ifşa etdi və sıradan çıxardı.
Pakistanda günahsız uşaq, qadın və qocalar, eləcə də digər mülki infrastrukturu hədəf alan Modi qorxaqlıq nümayiş etdirdi. Qüvvələrimiz güc və dəqiqliklə cavab verdi. Pakistan Hərbi Hava Qüvvələrinə və bütün hərbi personalımıza peşəkarlıqlarına və üstün performanslarına görə təşəkkür edirəm. Mülki əhali və ictimai infrastrukturu hədəf alan Modidən fərqli olaraq, qüvvələrimiz yalnız hücumlarda birbaşa iştirak edən təyyarə və qurğuları uğurla vurdu”, - sabiq baş nazir bildirib.
