İsrail təhlükəsizlik kabineti Livanla sərhəddə hərbi missiyasını genişləndirib.
Axar.az xəbər verir ki, bu barədə İsrail Nazirlər Kabineti məlumat yayıb.
Bildirilib ki, buraya İsrailin şimalında – Livanla sərhəddə yaşayan sakinlərinin təhlükəsiz şəkildə evlərinə qayıtmaları tapşırığı da daxildir.
Belə ki, Hizbullahın hücumları səbəbiylə təxminən 68,500 nəfərin təxliyə edildiyi və şimal sərhədi boyunca yerləşən şəhərlərin raket hücumlarından böyük ziyan gördüyü deyilir.
Həm müdafiə naziri Yoav Qallant, həm də Baş nazir Benyamin Netanyahu sakinlərin geri qaytarılmasını müharibə məqsədləri siyahısına daxil etmək niyyətlərini açıq şəkildə bəyan ediblər.
