İsveç Ukraynaya 450 milyon dollar məbləğində 17-ci hərbi yardım paketini ayırır.
Axar.az xəbər verir ki, bunu İsveç müdafiə naziri Pol Yonson deyib.
Yardım paketinə tank sursatları, “Pansarbandvagn 302” zirehli transportyoru üçün kamuflyaj, PUA-lar və qış geyimləri üçün vəsait, altı ədəd “Stridsb t 90” desant hücum kateri, “Robot 70” portativ hava hücumundan müdafiə sistemləri (MANPADS), həmçinin qoruyucu maskalar və avadanlıqlar daxildir.
