“Pakistan və Hindistan arasında gözlənilən müzakirələr üç əsas məsələni əhatə etməlidir: Kəşmir, terror və su”.
Teleqraf xəbər verir ki, bunu Pakistan müdafiə naziri Xavaca Asif deyib.
“Bu, üç məsələ tarixidir və müzakirə edilməlidir. Bu, Pakistan və Hindistan üçün bu problemləri həll etmək üçün bir fürsətdir”, - nazir qeyd edib.
Asif bildirib ki, iki ölkə arasında münaqişələrin çoxu Kəşmirlə bağlıdır:
“Demək olar ki, bütün müharibələr Kəşmir məsələsi üzərində aparılıb, o cümlədən son döyüşlər”.
Xatırladaq ki, Pakistan və Hindistanın hərbi rəsmiləri arasında müzakirələr axşam saatlarına planlaşdırılıb.
