Rusiya Prezidenti Vladimir Putin İran İslam Respublikasının Prezidenti vəzifəsini icra edən, Birinci vitse-prezident Məhəmməd Müxbirlə telefon danışığı aparıb.
Axar.az xəbər verir ki, bu barədə Kremlin mətbuat xidməti məlumat yayıb.
Putin və Müxbir beynəlxalq arenada, o cümlədən Rusiyanın BRİKS-ə sədrliyi ilə bağlı ölkələrin qarşılıqlı fəaliyyətini müzakirə ediblər.
Tərəflər Rusiya-İran əməkdaşlığının gələcək inkişafında, o cümlədən enerji və nəqliyyat sahələrində birgə layihələrin həyata keçirilməsində maraqlı olduqlarını bildiriblər.
Putin həmçinin qarşıdan gələn Qurban bayramı münasibətilə Müxbiri təbrik edib, İranın ruhani lideri Ayətullah Əli Xameneiyə ən xoş arzularını çatdırmağı xahiş edib.
Müxbir Putinə iyunun 12-də baş tutan Rusiya Günü münasibətilə təbriklərini çatdırıb.
Müxbir həmçinin Prezident İbrahim Rəisinin faciəvi ölümündən sonra İran üçün mövcud çətin dövrdə dəstəyə görə qarşı tərəfə təşəkkür edib.
