Almaniya İqtisadi Araşdırmalar İnstitutunun (DIW) apardığı araşdırmada 2022-ci il fevralın 24-də başlayan Rusiya-Ukrayna müharibəsinin dünya iqtisadiyyatına vurduğu zərərin 1,6 trilyon dollar olduğu bildirilib."Sherg.az" xarici mediaya istinadən xəbər verir ki, araşdırma qrupundan olan Mişel Qroemlinq müharibənin "Böyük qlobal iqtisadi əhəmiyyətə" malik olduğunu vurğulayıb. O enerji və xammal tədarükü ilə bağlı problemlərin şirkətlərə təzyiq göstərdiyini söyləyib:
"Yüksək enerji qiymətləri istehsal mərhələsində xərclərin artmasına səbəb oldu və bu, bir çox şirkətin hesablamasını çətinləşdirdi".
Qeyd edək ki, DIW-nin araşdırma ilə bağlı açıqlamasında, araşdırmanın nəticələrində qlobal iqtisadiyyatın 2022-ci ildə 1,6 trilyon dollar gəlir əldə edə bildiyi, lakin müharibə səbəbi ilə bunu edə bilmədiyi bildirilib.
Bundan əlavə, Qroemlinq 2023-cü il təxminlərinə görə qlobal əlavə dəyər itkisinin 1 trilyon dollar olacağını proqnozlaşdırdığını ifadə edərək, "Təəssüf ki, bu il təhlükə hələ də keçmədi" deyib.
Mənbə: Hürriyyət qazeti
