ABŞ Prezidenti Donald Tramp avropalı müttəfiqlərinə bildirib ki, Rusiya lideri Vladimir Putin sülh danışıqlarına açıqdır, ancaq bu danışıqlara ərazi güzəşti daxil olarsa.
Teleqraf xəbər verir ki, bu barədə “Bloomberg” məsələ ilə bağlı məlumatlı mənbələrə istinadla yazıb.
“Bəli, dünən Tramp bildirib ki, yaxın gələcəkdə Vladimir Putin və Volodimir Zelenski ilə görüşmək üçün çox yaxşı şans var. Avropa liderləri ilə telefon danışığı zamanı Tramp Ukraynada atəşkəsin mümkünlüyü barədə müsbət fikirlər səsləndirib. O, həmçinin Putinin sülh danışıqlarına açıq olduğunu iddia edib, amma bir şərtlə ki, digər məsələlərlə yanaşı, torpaq güzəşti müzakirə olunsun”, - mənbələr nəşrə deyiblər.
