Azərbaycan və Ermənistan "İbrahim sazişləri" sazişlərinə qoşula bilər.
Teleqraf xəbər verir ki, bu barədə ABŞ Prezidenti Donald Trampın xüsusi nümayəndəsi Stiven Uitkoff bildirib.
“Mən təxmin edirəm ki, tezliklə Livanda və hətta Suriyada nizamlanma görəcəyik. Onlardan müsbət cavab gəlib. Bu, Liviya ilə də baş verə bilər. Söhbət İbrahim sülh sazişlərinə qoşulan ölkələrdən gedir. Bu, Azərbaycan və Ermənistanla da baş verə bilər, hesab edirik ki, biz həmin ölkələrdəki münaqişələrin yekun həllinə çox yaxınıq. Düşünürəm ki, onların hər ikisi İbrahim sazişlərinə qoşula bilər. Bu, prezidentin Donald Trampın böyük təşəbbüsüdür. O, buna inanır. Bu, regionda sülh və sabitliyə töhfə verir”, - ABŞ rəsmisi qeyd edib.
