Ukrayna hakimiyyəti Müstəqil Dövlətlər Birliyi (MDB) çərçivəsində növbəti sazişdən çıxmaq qərarına gəlib.
APA xəbər verir ki, bu barədə Ukrayna hökumətinin Ali Rada nümayəndəsi Taras Melniçuk özünün Telegram kanalında məlumat verib.
"Üzv dövlətlər arasında malların (işlərin, xidmətlərin) ixracı və idxalı zamanı dolayı vergilərin yığılması prinsipləri haqqında Sazişdən çıxmaq barədə qanun layihəsi təsdiqlənib", – deyə Melniçuk qeyd edib.
Xatırladaq ki, saziş 25 noyabr 1998-ci ildə Moskvada imzalanıb və 20 aprel 2000-ci ildə Ukrayna tərəfindən ratifikasiya edilib.
