Ümid Özdağ böhtanları ilə türk millətinə, Ülküçü hərəkata və ocaqlarına hücum edən nifaqçı tacirdir. Türk millətçiliyinə xələl gətirmək üçün ortaya çıxan bu şəxsiyyətsiz insan öz çirkin maraqları naminə nifaq salır.
Axar.az xəbər verir ki, bunu Ülkü Ocaqlarının lideri Əhməd İgid İldırım sosial şəbəkə hesabında qeyd edib.
“Ancaq Ülkücü hərəkatı Ümid Özdağ kimi şərəfi olmayanlara meydanı buraxmaz! Çirkin yalanların heç bir əsası yoxdur. Xəyanətini və çirkin üzünü gizlətməyə çalışan Ümid Özdağ uzun müddətdir türk millətinin vicdanında çoxdan məhkum edilib.
Türk millətinə xəyanət edənlərin tarix boyu yaşadıqları məyusluğu Ümid Özdağ kimi əxlaqsızlar da yaşayacaq. Millətimiz səni ancaq əxlaqsızlıq içində çırpınan böhtançı kimi xatırlayacaq. Türk millətçiləri bu müqəddəs mübarizəni liderinə sadiq, iradəsi möhkəm olan şəxslərlə davam etdirirlər. Sən isə tarixin zibilliyində rüsvay olacaq bir yazıq kimi xatırlanacaqsan. Unutma ki, canavar yuvasına girən çaqqalın taleyi parçalanmaqdır!”, - İldirim bildirib.
Qeyd edək ki, bir neçə gün əvvəl Zəfər Partiyasının sədri Ümid Özdağ Ankarada saxlanılıb. O, Türkiyə prezidentini təhqir etməkdə ittiham olunur.
