“Qazaxıstanın ABŞ ilə imzaladığı 5 milyard dollarlıq saziş Astana və Vaşinqton arasında Orta dəhliz üzrə əməkdaşlığı gücləndirəcək”.
Teleqraf xəbər verir ki, bunu Qazaxıstan KİV-ə amerikalı analitik Uesli Aleksandr Hill deyib.
Ekspertin fikrincə, yeni Qazaxıstan-ABŞ razılaşması Orta dəhlizin gələcək inkişafı üçün yol açır.
“Sövdələşmə təkcə Qazaxıstan-Amerika münasibətləri üçün deyil, həm də Orta dəhlizin gələcəyi üçün böyük sıçrayışdır. Bu, iqtisadiyyatın xarici amillərdən asılılığını aradan qaldırdığı üçün sənayenin bütün sahələrinə sonrakı investisiyaları əhəmiyyətli dərəcədə asanlaşdıracaq logistika sazişidir”, - Hill qeyd edib.
Xatırladaq ki, bundan əvvəl Astana və Vaşinqton arasında ABŞ-dən Qəzaxıstana 300 yük lokomotivinin tədarükü haqqında saziş imzalanıb. Razılaşmanın dəyəri 5 milyard dollardır.
