Bu gün Türkiyə Superliqasında ikinci baş məşqçi istefası reallaşıb.
QOL.az "Milliyət"ə istinadən xəbər verir ki, "Antalyaspor"un baş məşqçisi Emre Belözoğlu komandadan gedib.
O, uğursuz nəticələrə görə vəzifəsində qalmaq istəməyib.
Qeyd edək ki, Emre Belözoğlu bu ilin yanvar ayında "Antalyaspor"un baş məşqçisi təyin olunmuşdu. Onun komandası hazırda 8 oyuna 10 xalla 10-cu yerdədir.
Xatırladaq ki, bu gün Superliqa təmsilçilərindən "Kayserispor"un çalışdırıcısı Markus Gidsol da klub rəhbərliyinin qərarı ilə vəzifəsindən ayrılıb.
