Türkiyə təmsilçisi “Fənərbağça” baş məşqçi Domeniko Tedesko ilə yolları ayıra bilər.
Teleqraf "Fotomac"a istinadən xəbər verir ki, klub rəhbərliyi italiyalı mütəxəssisə vəziyyəti düzəltməsi üçün üç oyun vaxt verilib.
UEFA Avropa Liqasında Zaqreb “Dinamo”suna 1:3 hesabı ilə məğlubiyyətdən sonra klubun idarə heyəti fövqəladə iclas keçirib. Məşqçiyə ultimatum verilib ki, növbəti üç oyunda qalib gəlməsə, postunu itirəcək.
Qeyd edək ki,Tedesko rəhbərliyi altında "sarı-lacivərdlilər" dörd matçda cəmi bir qələbə qazanıb. Oktyabr ayındakı beynəlxalq fasiləyə qədər “Fənərbağça” “Antalyaspor”, “Samsunspor” və Fransanın “Nitsa” klubu ilə qarşılaşacaq. Türkiyə təmsilçisi 40 yaşlı mütəxəssislə sentyabrın 9-da üç illik müqavilə imzalayıb.
