Ali məktəblərin qapıları üzlərinə açıldı
Yusif Nəzərli
07:17 16.10.2021
Elm və Təhsil
599
Gələcəkdə peşə təhsili almaq istəyənlərin sayında böyük artım olacaq
Dünən Milli Məclisin keçirilən plenar iclasında "Təhsil haqqında" qanuna dəyişiklik layihəsi birinci oxunuşda müzakirəyə çıxarılıb. Dəyişikliklə qanuna yeni bənd əlavə olunur. Yeni bəndə əsasən, yüksək texniki peşə təhsili səviyyəsi üzrə ixtisas proqramlarının müvafiq ixtisaslar üzrə ali təhsil proqramlarına uyğunluğu təmin edilir və bu təhsil səviyyəsini müvəffəqiyyətlə başa vuran məzunların – subbakalavrların topladıqları kreditlər bakalavriat səviyyəsinin uyğun ixtisaslarında ali təhsil müəssisələri tərəfindən nəzərə alınacaq. Qanuna dəyişiklik layihəsi müzakirələrdən sonra səsverməyə çıxarılaraq birinci oxunuşda qəbul edilib.
Təhsil eksperti Elçin Əfəndi "Şərq"ə açıqlamasında bildirib ki, yeni qanuna görə, tələbələr subbakalavr dərəcəsi əsasında ali təhsil müəssisələrinə müsabiqədən kənar, yəni imtahan vermədən qəbul olacaqlar. Ekspert qeyd edib ki, yüksək ixtisasları bitirən peşə təhsil müəssisələrinin tələbələrinə də artıq subbakalavr dərəcəsi veriləcək:
"Bildiymiz kimi, orta ixtisas təhsil müəssisələrinin tələbələrinə 2012-ci ildən etibarən subbakalavr təhsili verilməyə başlamışdı. Onlar faktiki olaraq ali təhsil müəssisələrinə son 3-4 ildir ki, qəbul ola bilirlər. Eyni qayda həmin yüksək peşə texniki təhsili səviyyəsi üzrə olan ixtisasları bitirənlərə də şamil olunacaq. Düşünürəm ki, bu, gələcəkdə peşə təhsili istiqamətində təhsil almaq istəyənlərin say çoxluğuna gətirib çıxaracaq. Eyni zamanda gələcəkdə ixtisaslı kadrların hazırlanmasında müstəsna rol oynayacaq".
E.Əfəndi hesab edir ki, bu qərar qardaş ölkə Türkiyə ilə Azərbaycan arasında sırf peşə təhsili istiqamətində olan qarşılıqlı əlaqələrin inkişafına da öz töhfəsini verəcək:
"Tələbələrin gələcəkdə mübadiləsi prosesi baş verə bilər. Yəni Türkiyədə peşə təhsili istiqamətində təhsil alanların Azərbaycanda, Azərbaycanda alanların isə Türkiyədə təhsil almalarına imkan yaradıla bilər".
Oxşar xəbərlər
Xəbər lenti
Hamısına bax
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm
Paşinyan: Sabah TRIPP layihəsinin başlanması rəsmən elan ediləcək
15:05 21.11.2026
Region
Şapka udan məşhur begemot Fiona öldü
14:57 21.11.2026
Hadisə