Bakının atacağı addımlar çox önəmlidir
Bakının atacağı addımlar çox önəmlidir
Yusif Nəzərli
12:20 20.11.2021
Gündəm
563
Cənubi Qafqaz regionu yenidən bölünmə ərəfəsindədir
"Vaşinqtonun bölgədə öz maraqları, baş verənlərə öz siyasi baxışları var və bu, Rusiyanın əleyhinə siyasi baxışlardır"
Xarici işlər naziri Ceyhun Bayramovun ABŞ Dövlət Katibinin Avropa və Avrasiya məsələləri üzrə köməkçisi Karen Donfridlə telefon danışığı baş tutub. Danışıq zamanı tərəflər üçtərəfli bəyanatların icrası və digər regional təhlükəsizlik məsələləri ərtafında fikir mübadiləsi aparıblar. Donfrid Azərbaycan və Ermənistan sərhədində yaşanan gərginlikdən narahatlığını ifadə edib. Amerika rəsmisi hər iki tərəfi deskalasiyaya və fikir ayrılıqlarını sülh yolu ilə həll etməyə çağırıb. Nazir Ceyhun Bayramov isə son günlərdə Ermənistan tərəfindən məqsədyönlü şəkildə törədilən silsilə təxribatçı addımlar barədə qarşı tərəfə ətraflı məlumat verib.
Nazir bölgədə vəziyyətin gərginləşməsi məsuliyyətinin bilavasitə Ermənistanın hərbi-siyasi rəhbərliyinin üzərinə düşdüyünü vurğulayıb. Xatırladaq ki, ötən gün ABŞ dövlət katibi Entoni Blinken də tvitterdə sərhəd insidentinə münasibət bildirmiş, tərəfləri sülhə çağırmışdı. Ekspertlərin fikrincə, Amerikanın Azərbaycan-Ermənistan sərhədində baş verənlərə çevik reaksiya verməsi və bir neçə rəsmisinin diliylə narahatlığını ifadə etməsi Ağ Evin Cənubi Qafqazla bağlı maraqlarından qaynaqlanır.
Vaşinqtondan gələn zəngi “Şərq”ə təhlil edən beynəlxalq məsələlər üzrə ekspert Əziz Əlibəyli deyib ki, Cənubi Qafqaz regionu yenidən bölünmə ərəfəsindədir. Analitikin fikrincə, Gürcüstanda həyata keçirilən “Saakaşvili layihəsi” də bu siyasətin tərkib hissəsidir:
“Hazırda Ermənistanda Rusiyanın layihələri üzərində iş gedir. Azərbaycan isə bölgənin yeganə ölkəsi kimi təhlükəsizlik prizmasından böyük önəm daşıyır. Belə məqamda rəsmi Bakının atacağı addımlar çox vacibdir.
Qafqazın təhlükəsizliyi regionla bağlı planlar quran ölkələrin qarşısında sədd olan Azərbaycanın təhlükəsizlik davranışından asılıdır. ABŞ-ın Cənubi Qafqaza nüfuz etmək niyyətində olması bəllidir. Türkiyə bölgədə müəyyən mənada Qərbin təmsilçisi kimi mövcuddur.
Lakin Rusiyanın bölgədəki siyasəti, Moskvanın SSRİ nostalgiyasının artması, Belarus və Polşa sərhədlərində yaşananlar, Ukrayna problemi, ardınca Azərbaycan-Ermənistan sərhədində baş verənlər, Saakaşvili ətrafında cərəyan edənlər Kremlin hansısa planlarının olduğuna işarədir. Bu baxımdan ABŞ da öz planını dövriyyəyə buraxmaq istəyir. O səbəbdən tərəflər proseslərə, eskalasiya prosesinə, hərbi qarşıdurmalara fürsət kimi baxırlar. Vaşinqtonun bölgədə öz maraqları, baş verənlərə öz siyasi baxışları var və bu, Rusiyanın əleyhinə siyasi baxışlardır.
Əslində isə Qərb üçün bölgədəki qarşıdurmalar, insan haqlarının pozulması halları qətiyyən maraqlı deyil”.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya