Şimali Koreya mediası Şimali Koreyanın xarici işlər naziri Ço Son Huinin keçən həftə Rusiyanın paytaxtı Moskvaya səfər etdiyini yazıb.
Sherg.az xarici mediaya istinadən xəbər verir ki, Huinin Moskvaya səfəri zamanı Rusiya prezidenti Vladimir Putinlə görüşdüyü və Putini Pxenyana səfərə dəvət etdiyi i vurğulanıb. Putinin Şimali Koreya lideri Kim Çen Ina dəvətinə görə də təşəkkür etdiyi, Putinin Ukrayna müharibəsində Şimali Koreyanın dəstəyindən məmnunluğunu ifadə etdiyi bildirilib. Moskva və Pxenyan da ABŞ və müttəfiqlərinin Şimali Koreyanın suveren hüquqlarına qarşı təxribat xarakterli hərəkətlərindən narahat olduqlarını bildiriblər və sözügedən vəziyyətlə məşğul olmaq barədə razılığa gəliblər.
Kremlin sözçüsü Dmitri Peskov bazar ertəsi verdiyi açıqlamada Putinin Kim Çen Inın dəvətinə cavab olaraq Şimali Koreyaya səfər etmək istədiyini, lakin tarixin hələ müəyyən edilmədiyini bildirib. Səfər baş tutsa, bu, Rusiya liderinin ən azı 20 ildə ilk səfəri olacaq. Boris Yeltsindən sonra 1999-cu ilin sonunda vəzifəyə başlayan Putin sonuncu dəfə 2000-ci ilin iyulunda Pxenyana səfər edib və Kim Çen Inın atası Kim Çen İr ilə görüşüb.
