Donald Tramp administrasiyasının siyasətlərinə və ABŞ Hökumətinin Effektivliyi Departamentinə (DOGE) nəzarət edən İlon Maskın fəaliyyətinə qarşı Birləşmiş Ştatların hər yerində etirazlar keçirilir.
Axar.az xəbər verir ki, bu barədə CNN məlumat yayıb.
Bildirilib ki, təşkilatçılar 50 ştatın hamısında və Kolumbiya dairəsində 1400-dən çox mitinq keçirməyi planlaşdırırlar.
“Əlini çək” (Hands Off) şüarı ilə keçirilən aksiyalarda “hakimiyyətin düşməncəsinə ələ keçirilməsinə” etiraz edilir. Etirazlar ştatın qanunvericilik binaları, federal qurumlar, konqres ofisləri və şəhər administrasiyaları qarşısında keçirilir.
Etirazçıların sayı dəqiqləşdirilməyib, lakin CNN 600 minə yaxın insanın nümayiş üçün qeydiyyatdan keçdiyini bildirir.
