Kanadanın "The Globe and Mail" qəzeti Ukraynanın ABŞ və Avropa İttifaqının ərazilər güzəşti müqabilində təhlükəsizlik zəmanətlərini qəbul etməli olduğunu bildirib.
Teleqraf xəbər verir ki, nəşr ABŞ Prezidenti Donald Trampın münaqişəyə son qoymaq üçün diplomatik səylər göstərdiyini qeyd edir və Ukrayna ilə bütün həmrəylik ifadələrinə baxmayaraq, Qərbin Rusiyanı döyüş meydanında məğlub etməyə hazır olmadığını vurğulayır.
Qəzet Kiyevin müəyyən ərazilərdən güzəştə getməli olduğunu və Tramp administrasiyasının Ukraynaya NATO-nun təhlükəsizlik zəmanətlərinə bənzər zəmanətlər verməyi nəzərdən keçirdiyini bildirir.
Ağ Evin mətbuat katibi isə, ABŞ-nin Ukrayna üçün məqbul təhlükəsizlik təminatlarını müzakirə edəcəyini qeyd edib.
