Lüksemburqun Böyük Hersoqu Henri oktyabrın 3-də rəsmi olaraq imtina edərək taxtı oğlu Guillaumea təhvil verib. RTL xəbər verir ki, 70 yaşlı Henri 43 yaşlı Guillaumeun xeyrinə taxtdan imtina edən fərman imzalayıb.
Milli.Az xəbər verir ki, sarayda keçirilən mərasimdə Belçika və Hollandiya kral evlərinin nümayəndələri, eləcə də Avropa Şurası və Avropa Parlamentinin prezidentləri iştirak ediblər.
Lüksemburqun Baş naziri Luc Frieden, Henriyə təxminən 25 illik hakimiyyətinə görə təşəkkür edərək, onun dövrünü sülh, azadlıq və firavanlıq dövrü kimi qiymətləndirib.
Yeni monarx Guillaume vəzifələrini Konstitusiyaya uyğun yerinə yetirəcəyini, siyasi neytrallığı qoruyacağını və ölkənin demokratik prinsiplərini müdafiə edəcəyini vəd edib. Həmçinin, həyat yoldaşı belçikalı qrafinya Stefani de Lannoy onunla birlikdə taxta çıxıb.
Bu addım Lüksemburqda monarxiyanın sabitlik və ardıcıllıq prinsiplərini qorumaq baxımından əhəmiyyətlidir.
