Azərbaycan Fələstində məktəb inşa edəcək.
"Report" xəbər verir ki, bu barədə Fələstinin xarici işlər naziri Riad Əl-Maliki iyulun 5-də Azərbaycan Prezidenti İlham Əliyevin qəbulunda olarkən bildirilib.
Azərbaycan Prezidenti Fələstin Dövlətinin Baş naziri Mohammed Ştayyeh ilə görüşünü məmnunluqla xatırlayıb. Dövlət başçısı bu görüş əsnasında Fələstində Azərbaycan tərəfindən məktəbin tikilməsi layihəsi barədə müraciətin olduğunu qeyd edərək buna müsbət münasibətin bildirildiyini və tezliklə bu layihənin icra olunacağını deyib.
