Gürcüstan “3+3” formatını Rusiyanın orada iştirakına görə qəbuledilməz hesab edir.
Axar.az xəbər verir ki, bunu jurnalistlərə hakim Gürcü Arzusu Partiyasından olan parlament üzvü Levan Maçavariani deyib.
“Ərazilərimizi işğal edən Rusiya 3+3 formatında iştirak edir. Əlbəttə, biz Rusiya ilə heç bir danışıqlar masasına oturmaq fikrində deyilik”, - Maçavariani bildirib.
O xatırladıb ki, Rusiya ilə Gürcüstan arasında heç bir diplomatik və ya başqa münasibətlər yoxdur.
Xatırladaq ki, Rusiyanın xarici işlər naziri Sergey Lavrov “3+3” platformasının qapılarının Gürcüstan üçün açıq olduğunu bildirmişdi.
3+3” formatı Cənubi Qafqazın üç ölkəsi (Ermənistan, Azərbaycan və Gürcüstan) və üç qonşu dövlət (Rusiya, Türkiyə və İran) arasında əməkdaşlıq formatıdır.
