"Hər iki dövlətin Ermənistana təsir gücü var"
Yusif Nəzərli
07:44 17.11.2021
Siyasət
948
Azər Qasımov: "Ermənistanın konstruktiv mövqeyə gəlməsi də Rusiya və İran dövlətlərinin mövqelərindən asılıdır"
Rusiya Prezidenti Vladimir Putinlə İran Prezidenti İbrahim Rəisi Qarabağ məsələsini müzakirə edib. Bu barədə Rusiya prezidentinin mətbuat xidməti məlumat yayıb.
Məlumatda qeyd olunub ki, V.Putin iranlı həmkarını Rusiyanın Qarabağda atəşkəs rejiminin təmin olunması üzrə atdığı addımlar barədə məlumatlandırıb.
"Prezidentlərin telefon danışığı zamanı Qarabağla bağlı vəziyyət də müzakirə olunub. Vladimir Putin Rusiya tərəfinin atəşkəs rejiminin təmin olunması, təsərrüfat və nəqliyyat əlaqələrinin açılması, bölgədə dinc həyatın təşkil olunması ilə bağlı gördüyü tədbirlər barədə həmkarını məlumatlandırıb" - deyə, məlumatda bildirilir.
Məsələyə münasibət bildirən BAXCP sədrinin müşaviri, politoloq Azər Qasımov “Şərq”ə bildirib ki, regionda gedən hər bir prosesdə region dövlətlərinin maraqlarının olduğu şübhəsizdir. Politoloq qeyd edib ki, Rusiya və İran prezidentlərinin də Qarabağı müzakirə etməsinə bu kontekstdən yanaşmaq lazımdır:
“Ayrı-ayrılıqda bu dövlətlərin maraqları müəyyən məsələlərdə fərqli olsa da, regionun stabilliyi və gələcəyi baxımından ümumi maraqlarının olması şübhəsizdir. Bu ölkələrin prezidentlərinin də regionun stabilliyi üçün ortaq fikir mübadiləsi etməsi böyük ehtimaldır. Dövlətlər fərdi maraqlarını təbii ki, bir-biri ilə müzakirə etmirlər. Bu maraqlar müxtəlif örtülü mesaj və hərəkətlərlə diqqətə çatdırılır. Bu baxımdan, hazırda Qarabağ ətrafında baş verən proseslərin əsas ortaq nöqtəsi Zəngəzur dəhlizinin açılması və “3+3” formatının işə düşməsidir. Türkiyə və İran XİN-lərinin baş tutan görüşü və iki dövlət rəhbərlərinin də nəzərdə tutulan görüşünün olması ehtimalı bir daha onu deməyə əsas verir ki, regionun üç böyük dövləti bu formatın üzərində ciddi işləyirlər”.
A.Qasımov əlavə edib ki, əsas problem burda Ermənistanın ikibaşlı oyun oynamasıdır:
“Ermənistan hələ ki, Qərbin oyunlarını regionda oynamaqda maraqlıdır. Ona görə də gah tərəflərə müsbət mesajlar verir, gah da bugünkü kimi müharibə şəraiti yaratmaqla əldə olunan razılıqları şübhə altına alan fəaliyyət göstərir. Hesab etmək olar ki, Ermənistanın konstruktiv mövqeyə gəlməsi də Rusiya və İran dövlətlərinin mövqelərindən asılıdır. Onların Ermənistana təsir gücləri var və bundan istifadə edilməsi regionun gələcək təhlükəsizliyi üçün mütləqdir”.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya