Britaniyalı psixoterapevt Syuzi Masterson hər hansı bir münasibətin pozulmasına gətirib çıxaran dörd xüsusiyyət barədə danışıb.
Bu barədə Oxu.Az Lenta.ru-ya istinadən xəbər verir.
Psixoterapevtin fikrincə, münasibətlərin əsas düşməni daim tənqid etmək istəyidir. Onun sözlərinə görə, partnyorlar özlərində olan ən çox qorxduqları şeyləri tez-tez tənqid edirlər. Bu, məsələn, qeyri-adi cinsi istəklər ola bilər.
Həmçinin münasibətlərə nifrət hissi də xələl gətirə bilər.
"Nifrət - çox vaxt utancdan müdafiədir. İstər siyasət, istər din, istər mədəniyyət və ya ailə olsun, münasibətlərdə qütbləşən baxış bucaqları olduqda, bu, bir tərəfin digərinə nifrət etməsinə səbəb ola bilər", - deyə o qeyd edib.
Bundan əlavə, müdafiə mövqeyi tutmaq istəyi münasibətləri məhv edə bilər. Çox vaxt uşaqlıqda sağlam münasibətlər görməyən insan bu mövqeni tutur.
"Belə adam deyir ki, mən o qədər hamını təmin etməklə məşğulam ki, hazırda münasibətlərimizə diqqət yetirməyə vaxtım və enerjim yoxdur", - deyə Syuzi Masterson əlavə edib.
"Bu, doğru ola bilər, lakin belə bir mövqe insanı partnyoru üçün əlçatmaz edir ki, bu da münasibətin bitməsinə doğru aparır", - mütəxəssis vurğulayıb.
Onun sözlərinə görə, münasibətlərə xələl gətirə bilən dördüncü xüsusiyyət olduqca emosional hallarda digər insanla öz arasında "divar hörmək" istəyidir ki, bu da münasibəti təhlükə altına alır.
Psixoloq Fərqanə Mehmanqızı “Sherg.az”a bildirib ki, hər insan xarakterinə uyğun olaraq münasibətini davam etdirir:
“Niyə münasibətdə eniş-yoxuşlar və yaxud da parçalanma yaranmağa başlayır?… Çünki tərəflərdən biri istər akademik dəyərlər, istərsə, də öz xarakterini inkişaf etdirərək müəyyən səviyyəyə qalxır. Ancaq qarşı tərəf inkişaf etmir. Beləliklə də arada böyük uçurumlar yaranır. Çünki birinin düşüncə tərzi ilə o birinin düşüncə tərzi eyni gəlmir. Digər səbəb isə, bəzi insanların birini əldə etdikdən sonra onun üçün çaba göstərməməsidir. Yəni həmin insanın yanında olması, sevməsi üçün münasibətə əmək sərf etmir. Əmək verilməyən münasibət isə böyümür. Ümumiyyətlə əmək vermək, qarşı tərəf üçün nələrsə etmək münasibəti daha da möhkəmləndirir. Psixologiyamızda mənim ərim, mənim arvadım düşüncəsi var. Yəni mənimdir buna əmək verməyə ehtiyyacımız yoxdur. İnsanların psixologiyasında rəqabət düşüncəsi onu inkişaf etdirir”.
