“Ermənistan Azərbaycanla sülh müqaviləsinin imzalanma tarixi və yerini müəyyən etmək üçün mümkün qədər tez məsləhətləşmələrə başlamağa hazır olduğunu təsdiq edir”.
Teleqraf xəbər verir ki, bunu Ermənistan xarici işlər naziri Ararat Mirzoyan deyib.
Onun sözlərinə görə, Azərbaycan tərəfi də öz mövqeyini bildirib:
“Müəyyən (Azərbaycan tərəfindən irəli sürülmüş) ilkin şərtlər var. Mövzulardan biri ATƏT-in Minsk qrupunun buraxılması ilə bağlıdır ki, bu da bizim üçün məqbuldur. Müqavilə imzalananda münaqişəyə son qoyulacaq. Məntiqlə bu münaqişə ilə bağlı hər hansı struktura ehtiyac qalmayacaq”.
Mirzoyan qeyd edib ki, Minsk qrupunun buraxılması və sülh müqaviləsinin imzalanması prosesləri paralel getməlidir:
“İki sənəd eyni anda imzalana bilər”.
