Arxangelskdə texnikuma hücumun təfərrüatı məlum olub. Belə ki, 18 yaşlı hücumçu Artyom Koryukov ikinci kursdan xaric edilib, sinif rəhbəri Olqa İ. isə onun xaric edilməsi ilə bağlı pedaqoji şurada iştirak edib.
Oxu.Az bu barədə Rusiya mediasına istinadla xəbər verir.
Bildirilib ki, gənc məqsədyönlü şəkildə öz sinif rəhbərindən qisas almağa gəlib.
Hadisə şahidlərinin sözlərinə görə, Koryukov əvvəlcə rus dili müəlliminə hücum edib. Daha sonra onu dayandırmağa çalışan sosial pedaqoqu və bir tələbəni yaralayıb.
Məlumata görə, hücumdan bir neçə saat əvvəl gənc öz sosial şəbəkə hesabında radikal terror hərəkatının şüarını paylaşıb.
Yerli media yazır ki, Koryukov məktəbdə oxuduğu illərdə özünü normal aparıb. Hətta 9-cu sinifdə Mirnıy şəhər çempionatında aviamodelləşdirmə idmanı üzrə S3 və S9 raket modellərinə görə qalib də olub.
12:20
Rusiyanın Arxangelsk şəhərində dəhşətli hadisə baş verib. Belə ki, tikinti və iqtisadiyyat texnikumdan xaric edilmiş tələbə təhsil müəssisəsinə hücum edib.
Oxu.Az bu barədə glavnıy.tv-yə istinadla xəbər verir.
Bildirilib ki, hadisə səhər saatlarında baş verib. İlkin məlumata görə, ədəbiyyat müəllimi, tədris hissə müdiri və bir tələbə yaralanıblar. Zərərçəkənlərin ağır xəsarətlər aldıqları vurğulanıb. Onlar xəstəxanaya yerləşdiriliblər.
Gənci texnikumun digər tələbələri saxlaya biliblər. Hadisə yerində polis əməkdaşları işləyirlər.
Versiyalardan birinə görə, keçmiş tələbə təhsil müəssisəsindən xaric olunduğu üçün qisas almaq istəyib.
