Bakıda azyaşlı qız zorakılığa məruz qalıb.
Bakupost.az xəbər verir ki, bu barədə jurnalist Pərvin Abışova öz Facebook hesabında bildirib.
O qeyd edib ki, 2016-cı il təvəllüdlü (1-ci sinif şagirdi) qız dəfələrlə fiziki zorakılığa məruz qalıb. Aldığı zərbələrdən üz-gözü qapalan azyaşlı məktəbə davam edib.
Azyaşlının anasının erkən yaşda vəfat etdiyi, atasının ikinci dəfə ailə qurduğu bildirilir.
"Hadisə ilə bağlı uşağın xalasına məlumat verilərək, onun məktəbə gəlməsinin vacib olduğu bildirilib. Xalası tərəfindən Daxili İşlər Nazirliyinin 102 xidmətinə müraciət edilib. Abşeron polisindən azyaşlının aldığı xəsarətlərlə bağlı ekspertiza təyin edilməsi tələb olunsa da, polis bunu etməyib.
Qeyd edək ki, Ailə, Qadın və Uşaq Problemləri üzrə Dövlət Komitəsi artıq azyaşlının məsələsini nəzarətə götürüb. Həmçinin, Azərbaycan Respublikası Daxili İşlər Nazirliyi mətbuat xidmətindən bildirilib ki, məsələ araşdırılır.
