Mərkəzi Kahramanmaraşda böyük fəlakətdən sonra zəlzələ qurbanlarının Mersinə köçü davam edir. Dövlət qurumları, bələdiyyələr və QHT-lər zəlzələ qurbanlarının sığınacaq ehtiyacları üçün bütün imkanlarını səfərbər edir. Akdeniz Bələdiyyəsi mədəniyyət və sənət evlərini zəlzələdən zərərçəkənlərin üzünə açdı.
Sherg.az türk mediasına istinadən xəbər verir ki, Akdeniz Bələdiyyəsi Mədəniyyət və İncəsənət Evində sağalmağa çalışan Miraç Özgün yaşadığı qorxulu anlardan danışıb: "Hatayda evdə zəlzələyə yaxalandıq. Özümüzü çölə atanda zəlzələ hələ də davam edirdi. Sanki qiyamət qopurdu, çox pis idi. Kabus kimi idi. Məni daşların altından çıxardılar. 2 gün Hatayda qaldıqdan sonra qohumlarımız gəlib bizi götürdülər və Mersinə gəldik. Burada müalicəmdən sonra məni Akdeniz Bələdiyyəsi Mədəniyyət və İncəsənət Evinə gətirdilər. Ümumi səhhətim yaxşıdır. Hər kəs bizə çox kömək etdilər, qucaqladılar. Hər kəsə çox təşəkkür edirəm. Rəbbim heç kimə belə ağrı yaşatmasın".
Turan
