İyunun 21-də saat 22 radələrində Gəncə şəhər sakini, 52 yaşlı Fuad Qurbanovun ölməsi barədə şəhər Prokurorluğuna məlumat daxil olub.
Gəncə şəhər Prokurorluğundan verilən xəbərə görə, dərhal prokurorluq əməkdaşları məhkəmə-tibb ekspertinin iştirakı ilə hadisə yerinə və meyitə baxış keçirilib, izahatlar alınaraq, digər zəruri prosessual hərəkətlər yerinə yetirib.
İlkin araşdırmalarla müəyyən edilib ki, Fuad Qurbanov yaşadığı evdə təmir-tikinti işləri apararkən beton piltənin üzərinə düşməsi nəticəsində ağır dərəcəli bədən xəsarətləri alaraq, aldığı xəsarətlərdən yerləşdirildiyi xəstəxanada ölüb.
Hazırda faktla bağlı şəhər Prokurorluğunda araşdırmalar davam etdirilir.
