Yeni araşdırmaya görə, insanlar yerdən o qədər çox su çəkiblər ki, Yerin fırlanma oxu cəmi 20 il ərzində təxminən 80 sm şərqə doğru dəyişib.
Sherg.az xəbər verir ki, yerin coğrafi qütbünün yerdəyişməsini tədqiq edən tədqiqatçılar deyirlər ki, yeraltı suların təsiri olmadan belə yerdəyişmə mümkün olmayacaqdı.
Yer öz oxu ətrafında fırlandıqca sürüşür və yırğalanır, bu, Şimal və Cənub qütblərindən keçən xəyali xəttdir.
Fırlanma oxundakı bu hərəkətlərə qütb gəzintisi deyilir.
Məlumdur ki, Şimal qütbü hər il eni 10 metr olan dairə çəkir.
Amerika Kosmik Tədqiqatlar İdarəsinin (NASA) məlumatına görə, 20-ci əsrdə Yerin fırlanma oxunun ildə 4 sm yerdəyişməsi aşkar edilib.
Son tədqiqatlar müəyyən edib ki, iqlim böhranı Yer kürəsinin fırlanmasının dəyişməsinə səbəb olur.
Lakin yeraltı suların bu yerdəyişməyə təsirini tam müəyyən etmək mümkün olmayıb.
