Yağış yağmasa, çətin olacaq
Türkiyədə Bursa quraqlıqdan ən çox zərər çəkən şəhərdir. Bildirilib ki, yağış yağmasa, bəndlərdə 48 günlük içməli su qalacaq.
“Sherg.az” xəbər verir ki, Bursa Böyükşəhər bələdiyyə başçısı Mustafa Bozbey, Merinos Atatürk Konqres və Mədəniyyət Mərkəzində təşkil etdiyi mətbuat konfransında vəzifəyə gəldiyi gündən bu yana təxminən 9 aylıq dövrü dəyərləndirərək, qlobal istiləşmə və su mənbələrinin iqlim dəyişikliyi səbəbindən azaldığına diqqət çəkib.
Su qənaəti çağırışlarına şəhər sakinlərindən cavab gəldiyini bildirən Bozbey, "Əvvəllər suyumuz azalanda və təxminən 42 gün su qaldıqda Bursalıları qənaət etməyə dəvət etdim. Bursalılar adına həqiqətən qürur duydum, bunun üçün sizə təşəkkür edirəm. Bursalıların bu yöndə dəstəyi var. Bu gündən etibarən 48 günlek suyumuz qalıb", -deyə danışdı.
Bozbey, 2025-ci ilin son aylarında Çınarcık Anbarından əlavə su tədarükü üçün davam edən işləri tamamlamaq üçün podratçı şirkətdən söz aldıqlarını bildirib.
