“Liverpul”un sabiq baş məşqçisi Yurgen Klopp Florian Virtsin transferini dəyərləndirib.
Publika.az xəbər verir ki, Kloppun sözlərini NTV sitat gətirib.
“Bu, inanılmaz olacaq. “Liverpul” keçən mövsüm göstərdi ki, artıq fantastik komandadır. Belə bir heyəti gücləndirmək çox çətindir, xüsusən də çempion olanda.
Ancaq “Liverpul” bunu bacardı. Onlar həqiqətən də əsl istedada imza atdılar. Onu meydanda görməyə səbirsizlənirəm. Möhtəşəm olacaq”, – Klopp bildirib.
Ötən mövsüm 22 yaşlı Florian Virts “Bayer”in heyətində 45 oyun keçirib, 16 qol vurub və 15 məhsuldar ötürmə edib.
