"Qurban Qurbanovun yaratdığı komanda ilə bütün Azərbaycan xalqı fəxr etməlidir"
"Qarabağ"ın "Braqa" üzərində zəfəri türk mediasında və sosial mediada geniş işıqlandırılıb. Türk medyasının önəmli futbol şərhcisi Eray Can Gencer öz fikirlərini rəsmi X hesabından paylaşıb.
Sherg.az xəbər verir ki, Eray Can Gencer sevincini belə bölüşüb:
“Hətta Portuqaliyada Çempionlar Liqasında “Real Madrid” və “Napoli” “Braqa”ya qarşı belə üstün oyun göstərə bilməsə də, “Qarabağ”ın buna nail olması qürurvericidir.
"Real Madrid" "Braqa" qarşısında 0,88 xg (qol gözləntisi), Napoli 1,70 xg, "Qarabağ" düz 2,41 xg (qol gözləntisi) hasil edə bildi və Portuqaliyada 4 qol vuraraq qalib gəldi.
“Qarabağ” 2016-2017-ci mövsümündə “Şaxtyor Donetsk”dən sonra 8 il ərzində Avrokuboklarda “Braqa”ya səfərdə 4 qol vura bilən yeganə komanda olub.
Qurban Qurbanovun yaratdığı bu komanda ilə bütün Azərbaycan xalqı fəxr etməlidir.
Tarix yazdılar, təbrik edirəm.
