“Qarabağ”ın baş məşqçisi Qurban Qurbanov daha bir xarici klubun maraq dairəsinə düşüb.
Publika.az xəbər verir ki, bunu futbol agenti Ramil Adıgözəlov açıqlayıb.
O, Rusiya mətbuatına açıqlamasında “Spartak”ın 52 yaşlı azərbaycanlı mütəxəssislə maraqlandığını deyib.
Onun iddiasına görə, Gilyermo Abaskalı məhz Qurbanov əvəzləyə bilər.
Qeyd edək ki, “Qarabağ” cari mövsüm Avropa Liqasının 1/8 finalına qədər irəliləyib.
