
"İki illik ərzaq məhsulu yığın!"
Yusif Nəzərli
15:30 02.04.2022
İqtisadiyyat
820
Tacikistan prezidentinin əhaliyə anidən çağırışı özü də qıtlığı formalaşdıra bilər
Tacikistan Prezidenti Emoməli Rəhmon əhalini 2 illik ərzaq ehtiyatı toplamağa və dövlət müstəqilliyinin müdafiəsinə hazır olmağa çağırıb.
“Report” yerli "Asiya Plyus" agentliyinə istinadən xəbər verir ki, bu barədə Mərkəzi Asiya ölkəsinin rəhbəri Ramazan ayının başlaması ilə bağlı xalqa müraciətində bildirib.
“Dünyada siyasi, hərbi, iqtisadi və sosial vəziyyətin son dərəcə gərgin, böhranlı, mürəkkəb və təhlükəli olduğu bir şəraitdə ayrı-ayrı ölkələrin müstəqilliyi və azadlığı, onların dövlətçilik strukturu məsələsi ciddi sual altındadır. Bu da hər birimizi həmrəy olmağa, dövlətin və cəmiyyətin təhlükəsizliyini təmin etməyə səsləyir. Biz həyatımızın əvəzsiz neməti olan dövlət müstəqilliyini və onun əldə etdiyi nailiyyətləri - sülhü, əmin-amanlığı, siyasi sabitliyi, milli birliyi qorumağa hər zaman hazır olmalıyıq”, - o deyib.
Dövlət başçısının sözlərinə görə, hər bir ailə özünü necə təmin edəcəyini düşünməli, mümkün qədər çox ərzaq istehsal etməli və iki il ərzində lazımi ərzaq ehtiyatı yığmalıdır.
Bəs, Azərbaycanda vəziyyət nə yerdədir?

Bu barədə “Şərq”ə danışan iqtisadçı Ruslan Atakişiyevin sözlərinə görə, dünyada baş verən proseslərlə bağlı olaraq əsas məhsullarda, qida məhsullarında beynəlxalq səviyyədə qıtlıq gözlənilir:
“Tacikistan Prezidenti əhalini 2 il ərzində həmişə ehtiyatlı olmağa dəvət edir. Anidən belə bir çağırışın özü də qıtlığı formalaşdıra bilər. Çünki insanlar birdən-birdə məhsulları alıb yığacaq. Bu zaman ilk gedənlər alacaq, ancaq sonrakılar çatışmazlıqla üzləşə bilər”.
İqtisadçı qeyd edib ki, bazarlarda məhsul həmişə olacaq:
“Ancaq bu məhsulu hər kəs ala biləcəkmi" sualı yaranır. Yəni hər kəsin buna maddi imkanı çatacaqmı?
Buna görə də sosial təbəqənin mühafizəsi ilə bağlı hansı ölkələr daha hazırlıqlıdırsa, orada insanlar məhsulları daha rahat əldə edə biləcəklər.
Azərbaycanda da ola bilsin ki, həmin sosial təbəqəyə əlavə maddi dəstək verilsin. Ancaq indiki vəziyyətdə təşvişə düşüb hamı məhsul almağa başlasa, bu özü qıtlıq yaranmasına gətirib çıxaracaq. Eyni zamanda, onun saxlanma şəraiti məsələsi də var.
Əhalinin hazırkı dövrdə ərzaqla bağlı münasibəti dəyişib. Yəni əvvəllər insanlar məhsulları bir neçə aylıq alırdı. Lakin indi piştaxtalar həmişə doludur deyə, arxayınlıq yaranıb. Ancaq indiki dövrdə qıtlıq yaransa da, piştaxtalar həmişə dolu olacaq. Amma bəzi insanların onu almağa imkanı çatmaya bilər”.
Oxşar xəbərlər
Xəbər lenti
Hamısına bax
İrandan ərəb ölkəsinə xəbərdarlıq: Məhv olacaqsınız!
22:58 17.11.2026
Son dəqiqə
ABŞ Milli Təhlükəsizlik Agentliyinin məxfi şəbəkəsi sıradan çıxıb
22:39 17.11.2026
Dünya
Vladimir Putin Çinə səfər etdi
22:20 17.11.2026
Gündəm
Rusiya xəbərdarlıq etdi: Onlar məhv ediləcək!
21:24 17.11.2026
Aktual
Salyanda avtomobil 89 yaşlı piyadanı vuraraq öldürüb
21:12 17.11.2026
Hadisə
Britaniya Ukraynaya mindən çox raket verəcək
21:00 17.11.2026
Dünya
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə