Kreml Türkiyə Prezidenti Rəcəb Tayyib Ərdoğanın ABŞ Prezidenti Donald Tramp, Ukrayna Prezidenti Volodimir Zelenski və Rusiya Prezidenti Vladimir Putin arasında İstanbulda görüş təklifi ilə bağlı açıqlama verib.
Teleqraf xəbər verir ki, Kremlin sözçüsü Dmitri Peskov yaxın zaman üçün belə bir görüşün mümkün olmadığını bildirib.
“Hələlik Ərdoğanla planlaşdırılan görüş yoxdur. Putin yüksək səviyyəli danışıqlara hazırdır, amma əvvəlcədən yaxşı hazırlaşmaq lazımdır. Putin Zelenski ilə Trampın yaxın gələcəkdə görüşməsi ehtimalı azdır”, - Rusiya rəsmisi deyib.
Xatırladaq ki, Ağ Evin sözçüsü Kerolayn Levit bundan əvvəl Donald Trampın Vladimir Putin və Volodimir Zelenski ilə Türkiyədə görüşə açıq olduğunu bəyan etmişdi.
