Naxçıvanda istehsal olunan elektrik enerjisinin 52,8%-i alternativ və bərpa olunan enerji mənbələrinin payına düşüb.
APA-nın yerli bürosu xəbər verir ki, 2025-ci ilin mart ayı ərzində Naxçıvan Muxtar Respublikası Dövlət Energetika Xidmətinin istismar sahəsində olan elektrik stansiyalarında 29 525 626 kilovat-saat elektrik enerjisi istehsal edilib.
- 13 929 379 kilovat-saatı və ya 47,2 %-i istilik elektrik stansiyalarında;
- 9 345 375 kilovat-saatı və ya 31,6 %-i su elektrik stansiyalarında;
- 6 250 872 kilovat-saatı və ya 21,2 %-i günəş və külək-günəş hibrid elektrik stansiyalarında istehsal edilib elektrik şəbəkələrinə ötürülmüşdür.
Ötən ilin müvafiq dövrü ilə müqayisədə ümumi elektrik enerjisi istehsalında istilik elektrik stansiyalarının payı 14,5 % azalıb, su elektrik stansiyalarının payı 8,9 %, günəş elektrik stansiyalarının payı 5,5 % artıb.
Alternativ və bərpaolunan enerji mənbələrində 15 596 247 kilovat-saat elektrik enerjisi istehsal edilib ki, bu göstərici ümumi enerjinin 52,8 %-ni təşkil edir.
