Gürcüstan və Azərbaycan tibbi turizm sahəsində əməkdaşlıq edəcək.
Teleqraf xəbər verir ki, bu barədə Gürcüstan parlamentinin Səhiyyə və sosial məsələlər komitəsinin sədri Zaza Lominadze bildirib.
Onun sözlərinə görə, Milli Məclisin əmək və sosial siyasət komitəsinin sədri Musa Quliyevlə keçirdiyi görüşdə əsas diqqət tibb sahəsində əməkdaşlıq məsələlərinə yönəldilib.
“Qərara alınıb ki, transplantasiya sahəsində əməkdaşlıq edək, həmçinin miqrasiya prosesləri və demoqrafik problemlərin birgə həlli üzərində işləyək, belə ki, bu məsələlər hər iki ölkə üçün aktualdır”, - Z.Lominadze söyləyib.
Görüşdə komitələr səviyyəsində növbəti görüşün Azərbaycanda keçirilməsinə dair razılığa gəlinib.
