Çeçenistan Respublikasının hakimiyyəti güləş üzrə üçqat olimpiya çempionu Buvaysar Saytiyev vəfatı ilə əlaqədar üç günlük matəm elan edib.
Teleqraf xəbər verir ki, müvafiq sərəncamı Ramzan Kadırov imzalayıb.
Matəm martın 3-dən 5-dək davam edəcək. Bu günlərdə bütün regionda Rusiya Federasiyasının və Çeçenistan Respublikasının dövlət bayraqları endiriləcək.
B.Saytiyev Moskva xəstəxanasında dünyasını dəyişib. İdmançı bu gün güclü təsiredici maddələrdən zəhərlənmə diaqnozu ilə xəstəxanaya yerləşdirilsə də, onun həyatını xilas etmək mümkün olmayıb.
Saytiyev 74 kq çəki dərəcəsində 1996, 2004 və 2008-ci il Olimpiya Oyunlarının qalibidir. O, altı dəfə dünya çempionatının, altı dəfə isə Avropa çempionatının qalibi olub. 1995-ci ildə Rusiyanın əməkdar idman ustası adına layiq görülüb, Saytiyev 4-cü dərəcəli Vətən qarşısında xidmətlərinə görə, Şərəf və Dostluq ordenləri ilə təltif edilib.
