İranın xarici işlər naziri Abbas Araqçi yaxın zamanda Ermənistana səfər edə bilər.
APA xəbər verir ki, bu barədə Ermənistanın xarici işlər naziri Ararat Mirzoyan parlamentin xarici əlaqələr komissiyasının iclasında bildirib.
“Bu ilin fevralında Cenevrədə mənim nazir Araqçi ilə görüşmək imkanım olub. Yaxın gələcəkdə növbəti addımlar gözlənilir. Biz yaxın gələcəkdə nazir Araqçinin Ermənistana səfər edəcəyini gözləyirik”, - Mirzoyan qeyd edib.
