Rusiya Prezidenti Vladimir Putin “Crocus City Hall”da baş verən terror aktında insanları müdafiə etməyə çalışarkən həlak olan azərbaycanlı Vüqar Hüseynovu ölümündən sonra “İgidliyə görə” ordeni ilə təltif edib.
Publika.az xəbər verior ki, bu barədə müvafiq fərman hüquqi aktlar portalında dərc olunub.
"Hüseynov vətəndaş borcunu yerinə yetirərkən göstərdiyi şücaət və fədakarlığa görə təltif edilib, - fərmanda deyilir.
Daha əvvəl bildirilmişdi ki, Moskvanın Vnukovo rayonunda sakinlər hava limanının işçiləri olan Vüqar Hüseynov və onun həyat yoldaşı Lilit adlı ölən qonşularının avtomobilindən xatirə abidəsi düzəldiblər. Konsert zalına hücum zamanı Hüseynov insanları xilas etmək üçün bar masalarından barrikadalar düzəltməyə çalışsa da, o və həyat yoldaşı güllələnib. Cütlükdən azyaşlı uşaq yadigar qalıb.
