Kareli bələdiyyəsinin Dirbi kəndi yaxınlığında rus işğalçı qüvvələri tərəfindən qanunsuz saxlanılan Kaxa Tselidze və Giorgi Çitadze azad olunublar.
24News.ge xəbər verir ki, bu barədə Dövlət Təhlükəsizlik Xidməti məlumat yayıb.
Məlumata əsasən, qanunsuz olaraq saxlanılmış vətəndaşlar artıq Gürcüstanın nəzarəti altında olan ərazidədir.
Qeyd olunub ki, vətəndaşların azadlığa buraxılması prosesində Avropa İttifaqının Gürcüstandakı Monitorinq Missiyası (EUMM) və mərkəzi hökumətlə digər beynəlxalq tərəfdaşlar iştirak ediblər.
Dövlət Təhlükəsizlik Xidmətindən bildirilib ki, mərkəzi hökumət beynəlxalq tərəfdaşlarla birlikdə işğal olunmuş ərazilərdə qanunsuz həbsdə olan bütün Gürcüstan vətəndaşlarının azad edilməsi üçün fəal işləməyə davam edir.
