Yatarkən qolunun üzərinə uzanan və ya uzun müddət eyni vəziyyətdə qalan insanlarda oyanarkən güclü keyimə və qarışqa gəzməsi hissi yaranır. Bəzən isə qol insana sanki öz bədəninin bir hissəsi deyilmiş kimi gəlir.
Sherg.az xəbər verir ki, bu qəribə hissin arxasında sinir sisteminin işləmə mexanizmi dayanır. Uzun müddət eyni vəziyyətdə qalmaq qoldakı sinirlərə təzyiq göstərərək onların beyinə göndərdiyi siqnalları müvəqqəti olaraq zəiflədə bilər.
Nəticədə beyin qoldan gələn toxunma, hərəkət və mövqe ilə bağlı məlumatları əvvəlki kimi dəqiq qəbul etmir. Bu zaman insan öz qolunu hiss etməkdə çətinlik çəkə və onu qısa müddət ərzində yad bir əza kimi qavraya bilər.
Qoldakı qan dövranı və sinir fəaliyyəti normallaşdıqca keyimə və qəribəlik hissi də tədricən aradan qalxır.
