Səhiyyə sistemində xaos yaşanır
Yusif Nəzərli
03:01 13.10.2021
Sağlamlıq
799
"Sığorta sistemi tətbiq etdik, amma əmin olun o sistem həkimlər və xəstəxanalar tərəfindən boykot olunur"
"Axı hər evdə bir və ya iki xəstə olur. Deməli, hər ailə qəsdən dövlətdən narazı salınır"
“Bir ölkədə 5 səhiyyə qurumu olanda xaos yaşanar və biz bu gün onu yaşayırıq”. Bunu Milli Məclisin dünənki iclasında millət vəkili Razi Nurullayev deyib. Deputat çıxışı zamanı səhiyyə sistemini kəskin tənqid edib. Vurğulayıb ki, səhiyyə sisteminin effektiv işləməsi üçün islahatlar aparıldı, amma nəticəsi əvvəlkindən də pis oldu: “Səhiyyə Nazirliyi, TƏBİB, Prezident Administrasiyasında və Nazirlər Kabinetində şöbələr, hər nazirliyin özünün tibb idarəsi və xəstəxanası var. Heç biri də bir-birinin kitabını oxumur. Sığorta sistemini tətbiq etdik, amma əmin olun ki, o sistem həkimlər və xəstəxanalar tərəfindən boykot olunur”.
Deputat bildirib ki, səbəb həkimlərin daha az qazanması, təchizatın zəif olması, maaşların da aylıq yox, 4-5 aydan bir ödənilməsidir: “Onlara belə sığorta sərf etmir. Xəstə deyəndə ki, sığorta üzrə müraciət edir, ona elə üz göstərirlər ki, xəstə özünü bədənindən 220 volt tok keçən kimi hiss edir.
Belə sistem olar? Axı hər evdə bir və ya iki xəstə olur. Deməli, hər ailə qəsdən dövlətdən narazı salınır. Səhiyyə sistemində olan xaosu aradan qaldırmaq üçün mütləq bütün tərəflərin iştirakı ilə iclas keçirilməli, konkret təkliflər verilməlidir. Bu sahədə qayda-qanun və dürüstlük, düzgün idarəçilik qurulmalı, paralellik aradan qaldırılmalıdır. Bir ölkədə ancaq bir səhiyyə qurumu olar. Qalanları isə onun koordinasiyası və tabeçiliyində işləməlidir. Bu sahədə olan xaos cəmiyyəti çox narahat edir”.
Parlament üzvü vurğulayıb ki, nə qədər insan incidilir, qapıdan qapıya, xəstəxanadan xəstəxanaya ötürülür:
“İnsanları futbol topu kimi oradan-ora atırlar. Bu cür pulsuz səhiyyə olmaqdansa, normal qiymətə pullu olsa, daha yaxşı idi. Qonşu ölkələr effektiv üsul tapsalar da, bizdə icbari sığorta 20 ildir ki, düzəlmir. Məsuliyyət və canyandırma da yoxdur. Nə qədər müharibə iştirakçısının əsəbləri pozuldu, bir neçəsi intihar etdi. Bilirsiniz ki, nə qədər vətəndaş əlində resept gəzir? Sığorta zərfinə daxil olan xəstəliklərin də hərəsinə bir bəhanə edib zərfdən kənarda saxlayırlar. Bütün məsuliyyətimlə deyirəm ki, Azərbaycanda ən xaotik sahələrdən biri də səhiyyə sistemidir”.
Oxşar xəbərlər
Xəbər lenti
Hamısına bax
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya