
Özəl pensiya fondunun yaradılmasına təminat yoxdur
Yusif Nəzərli
11:20 18.11.2021
İqtisadiyyat
685
Bunun üçün çox iş görülməlidir və bu, ardıcıl olmalıdır
Artıq vaxtıdır ki, Azərbaycanda da özəl pensiya fondları yaradılsın. Dünyada özəl pensiya fondları var, amma bizdə yoxdur. Bunu Milli Məclisin dünən keçirilən iclasında “Dövlət sosial müdafiə fondunun 2022-ci il büdcəsi haqqında” qanun layihəsinin müzakirəsi zamanı deputat Vahid Əhmədov deyib.
O bildirib ki, Dövlət Sosial Müdafiə Fondunun büdcəsində 500 milyon manata yaxın artıq vəsait qalıb və bunu qəbul etmir. Əgər dövlət büdcəsində vəsait ayrılıbsa, bu, xərclənməlidir: “Şəhid ailələri, qazilərlə, əlilliyin təyinatı ilə bağlı bu gün böyük problemlər var. Əlilliyin təyinatı məsələsində son illər ərzində kəskin azalmalar da baş verib. Bu məsələyə diqqəti artırmaq lazımdır".
Qeyd edək ki, 2022-ci il üçün Dövlət Sosial Müdafiə Fondunun gəlirləri və xərcləri bərabər olmaqla 5 milyard 307 milyon manat proqnozlaşdırılır ki, bu da cari ilin gözlənilən icra göstəricisindən 253 milyon manat və ya 5 faiz çoxdur. Fondun gəlirlərinin 78,2 faizi məcburi dövlət sosial sığorta haqları üzrə daxilolmalar, 21,6 faizi isə dövlət büdcəsindən balanslaşdırma məqsədi ilə ayrılan vəsait hesabına təmin ediləcək.

Məsələyə münasibət bildirən iqtisadçı-ekspert Rauf Qarayev “Şərq”ə açıqlamasında bildirib ki, Azərbaycanda özəl DSMF-lərin yaradılmasına təminat yoxdur. Ekspert qeyd edib ki, əgər təminat yoxdursa, demək, bunun ölkədə reallaşması müşkül məsələdir:
“Bir çox ölkələrdə özəl pensiya fondları var. Amma Azərbaycanda Pensiya Fondu dövlət tərəfindən tənzimləndiyi üçün onun inflyasiya dözümlüyü var. Vahid müəllim bunu deyir, amma bunun üçün müvafiq ardıcıl iş aparılmalıdır. Ölkədə dəfələrlə bu məsələ qeyd olunur, lakin onun təminat dayağı yoxdur. Bəlkə də gələcəkdə özəl sistemin inkişafı ölkədə mümkün oldu. Amma bunun üçün çox iş görülməlidir və bu, ardıcıl olmalıdır. Bizdə hələ ki adi idarəetmə institutları gözə dəymir. Adi bir məsələ kabinetlərdə həll olunur.
Halbuki, bura alimlər cəlb olunmalı, sahibkarların rəyi bilinməli və əhali arasında real sorğu aparılmalıdır.
Qaldı ki, DSMF-də pulun qalmasına, bu ondan xəbər verir ki, proqnozu orada olan mütəxəssislər düzgün verməyiblər. İş prinsipi idarəetmə sistemində müştərək aparılmır. Bir dövlət orqanı digər əlaqəli orqanın nəticələrini nəzərə almır. Statistikanın verdiyi rəqəmlər də reallığı əks etdirmir.
Vahid müəllimin dediyi də budur ki, əgər bunun öhdəsindən Dövlət Sosial Müdafiə Fondu gəlmirsə, rəqabət mühiti üçün özəl fondlar yaradılsın”.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya