Qazaxıstan başlanğıcdır
Yusif Nəzərli
08:01 20.01.2022
Siyasət
505
Kremlin hədəfləri daha genişdir
Rusiya Qərblə mübarizədə Çinin dəstəyini almaqdadır
“Rusiyanın Ukrayna və Qazaxıstan siyasəti Qərbin siyasi ekspertlərinin və mətbuatının diqqət mərkəzindədir. Bu dairələr Rusiyada millətçi ideologiyanın artmasına da diqqət yetirirlər”. Bu barədə “Atlas” Araşdırmalar Mərkəzinin rəhbəri Elxan Şahinoğlu deyib. Ekspert bildirib ki, rus millətçiləri müharibədən danışarkən iki qələbəni xüsusilə vurğulayırlar: “Fransa imperatoru Napoleon Bonapart 1812-ci ildə 600 min nəfərlik ordu ilə Rusiya imperiyasına hücum çəkərkən qələbəyə ümid edirdi. Doğrudur, Napoleon Moskvanı ələ keçirdi, ancaq bu, qələbə demək deyildi. Napoleon Rusiya ordusuyla yanaşı bu ölkənin keçilməz yolları və sərt qışı ilə də üz-üzə qaldı, ordusunun yarısını itirdi. Bu müharibə Napoleonun çöküşünü sürətləndirdi və o, sonrakı müharibələrdə məğlub olaraq Elba adasına sürgün edildi. Rus millətçiləri ikinci nümunə kimi Alman ordusunun 1941-ci ildə SSRİ-yə qəfil hücumunu göstərirlər.
Eyni ilə Almaniya diktatoru Adolf Hitler də Napoleon kimi qısamüddətli qələbəyə ümid edirdi. Hitlerin ordusu ilk aylarda xeyli uğur qazandı və ölkənin içərilərinə doğru irəlilədi. Ancaq Rusiyanın palçıq yolları və qışı Hitler ordusunun sürətini yavaşlatdı. Rus millətçiləri İkinci Dünya müharibəsi haqqında danışarkən, Alman faşizmi üzərindəki qələbədə SSRİ-də yaşayan bütün xalqların rolunu “unudurlar”. Rusiyanın bu gün hədəf aldığı həmin Ukrayna və ukraynalılar İkinci Dünya müharibəsində alman faşistlərlə mübarizədə ön çərgədə idilər, digər millətlərin rolu da danılmazdır”.
E.Şahinoğlu xatırladıb ki, 1991-ci ildən sonra Rusiya Çeçenistanda iki müharibə apardı. Dağıstan və Şimali Qafqazın digər bölgələrində silahlı qrupların hücumlarına məruz qaldı: “Rusiya bu təhlükələri dəf etdikdən sonra Qərbə meydan oxumağa başladı. Rusiyada 2000-ci illərin əvvəllərində hakimiyyətə gələn Vladimir Putin qərbli jurnalistin “Rusiya NATO-nun üzvü ola bilərmi” sualına belə cavab vermişdi: “Niyə də olmasın? Rusiya Avropanın bir parçasıdır”. Bu açıqlamanın üstündən illər keçdikdən sonra Putin NATO-nu düşmən obrazında qələmə verirdi: “Hərbi alyans Şərqə doğru genişlənməməlidir, bunun qarşısını almalıyıq”. 20 il əvvəl “Rusiya Avropanın bir parçasıdır” deyən Kreml sahibi bu gün Avropaya meydan sulayır, liberalizmin sonunun gəldiyini iddia edir. Kreml bu siyasətdən çıxış edərək hərbi bloka üzvlüyə can atan Gürcüstanla Ukraynanı hədəf seçdi”.
Ekspertin fikrincə, Qazaxıstandakı son hadisələr Kremlin hədəfinin daha geniş olduğunu göstərir: “Təsadüfi deyil ki, hərbi alyansın baş katibi Stoltenberq “Rusiyaya qonşu olan bütün ölkələr təhlükə altındadır” açıqlamasını səsləndirdi. Kreml Kollektiv Təhlükəsizlik Müqaviləsi Təşkilatını NATO-nun rəqibinə çevirmək istəyir.
Hesab edir ki, Qərbi durdurmasa, “arxa bağçasını” tədricən itirəcək. Misal üçün, Rusiyada belə bir fikir hakimdir ki, KTMT Qazaxıstana müdaxilə etməsəydi, Qərb bu ölkədə növbəti “rəngli inqilabını” həyata keçirəcəkdi. Halbuki, Qazaxıstandakı hadisələrdə Qərbin izinə rast gəlinmədi.
Rusiya Qərblə mübarizədə Çinin dəstəyini də almaqdadır. İki dövləti strateji müttəfiq adlandırmaq mümkün olmasa da, Moskva ilə Pekinin Qərblə mübarizədə ortaq maraqları var. Hər ikisi Mərkəzi Asiyanı və bütövlükdə Avrasiya bölgəsini Qərbin təsirindən uzaq tutmağa çalışır”.
Oxşar xəbərlər
Xəbər lenti
Hamısına bax
Yeni rektoru kollektivə nazir təqdim etdi
17:19 19.11.2026
Elm və Təhsil
Prezident İlham Əliyev Vyetnama rəsmi səfərə gəlib
17:15 19.11.2026
Gündəm
Tramp: Tarix yazırıq, Ukraynanı da müzakirə edəcəyik
16:46 19.11.2026
Dünya
Türkiyədə yeddi bələdiyyə sədri AKP-yə qoşuldu
16:22 19.11.2026
Dünya
Riyaziyyat dərsliklərinin ictimai müzakirəsi keçirilib
16:12 19.11.2026
Elm və Təhsil
Paşinyan dekabrın 3-də Moskvada Putinlə görüşəcək
16:07 19.11.2026
Region
DİM-in yeni sədri o olacaq?
15:40 19.11.2026
Elm və Təhsil
Hörmüz boğazında üç neft tankerində yanğın baş verib
14:42 19.11.2026
Dünya
Xəzərsahili qanunsuz obyektlər söküləcək?
14:40 19.11.2026
Sosial
Tbilisidə partlayış: 7 nəfər dağıntılar altında qalıb
14:38 19.11.2026
Hadisə
Tofiq Zülfüqarov: “Dünya əvvəlki qaydalara qayıtmayacaq”
14:17 19.11.2026
Gündəm
BDU-nun müəllimi rektorun qurbanı olub? - Xanımı danışdı
14:09 19.11.2026
Elm və Təhsil
AzTV dəyişikliklərlə bağlı yayılan iddialara münasibət bildirib
13:52 19.11.2026
Media
Prezident İlham Əliyev Vyetnam Xəbər Agentliyinə müsahibə verib
13:37 19.11.2026
Gündəm
Keçmiş vəkil Namizəd Səfərova cəza istənilib
13:34 19.11.2026
Cəmiyyət