Cinayət qanununa “Sosial müdafiə tədbirləri” adlanacaq və narkomaniyadan əziyyət çəkən şəxslərin məcburi müalicəsi məsələlərini tənzimləyən yeni fəsil əlavə edilir.
24News.ge xəbər verir ki, müvafiq dəyişikliklər parlamentdə “Gürcü arzusu”nun təşəbbüsü ilə irəli sürülmüş narkotiklərlə mübarizə paketində öz əksini tapıb.
Məsələ artıq parlamentin ikinci oxunuşunda müzakirəyə çıxarılıb.
Sessiyada Hüquq Məsələləri Komitəsinin sədri Arçil Qorduladze qeyd edib ki, məcburi müalicə elə müəyyən ediləcək ki, prokurorun müraciəti əsasında müvafiq komissiya şəxsin narkomaniyaya meylli olması ilə bağlı məsələyə baxacaq – ona icbari müalicə təyin edilməsinin məqsədəuyğun olub-olmadığını müzakirə edəcək. Nəticə hakimə təqdim olunacaq, narkomaniyadan məcburi müalicə təyin edilməsi ilə bağlı yekun qərarı hakim verəcək.
Qorduladzenin sözlərinə görə, hökumətin qərarı ilə insanın məcburi müalicəsinin hansı xəstəxanada, hansı qayda və şərtlərlə aparılması müəyyən ediləcək.
Qeyd edək ki, narkomaniyadan əziyyət çəkən şəxs məhkəmənin çıxardığı qərardan apellyasiya şikayəti vermək imkanı əldə edəcək.
