“Volodimir Zelenski ilə polemikaya girmək istəmirəm. O, müharibə şəraitində olan ölkənin prezidentidir, ona görə də onun hansı bəyanatla çıxış etməsindən asılı olmayaraq, buna reaksiya verməyi lazım görmürəm”.
Teleqraf-ın yerli bürosu xəbər verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.
Onun sözlərinə görə, demokratya və insan haqları ilə bağlı vəziyyətə görə Ukraynada faciəvi vəziyyət yaranıb.
“Belə bir vəziyyətdə Gürcüstanda demokratiya və insan haqları barədə danışılması nonsensdir. Gürcüstan bu sahələr üzrə Avropa İttifaqına üzvlüyə namizəd ölkələr arasında şərtsiz liderdir”, - İ.Kobaxidze söyləyib.
Xatırladaq ki, Ukrayna Prezidenti Volodimir Zelenski ötən gün BMT-nin Baş Assambleyasında çıxışı zamanı deyib ki, Gürcüstanda insan haqları və dövlət quruluşunun Avropa xarakteri yalnız tənəzzül edir. O, Gürcüstanın Rusiyadan asılı olduğunu vurğulayıb.
