Fransa Rusiyanın müharibə əməliyyatları fonunda Ukraynaya silah tədarükünü davam etdirəcək. Bu barədə Fransa Nazirlər Kabinetinin nümayəndəsi Qabriel Attal bildirib.
Siyasətçi vurğulayıb ki, Beşinci Respublikanın hakimiyyəti döyüşləri dayandırmağa çalışmaq üçün bütün faydalı təşəbbüsləri davam etdirəcək.
“Bu o deməkdir ki, biz bir tərəfdən, Kiyevə həm humanitar, həm də müdafiə silahlarının tədarükü ilə bağlı yardımımızı davam etdirəcəyik”, – deyə o vurğulayıb.
Attal həmçinin əlavə edib ki, digər tərəfdən, Paris Moskvaya sanksiya təzyiqini də davam etdirəcək. Eyni zamanda ölkə Rusiya ilə dialoqu davam etdirmək niyyətindədir. Bundan əlavə, hökumət nümayəndəsinin sözlərinə görə, Fransa Ukraynanın təhlükəsizliyinin təminatçısı olmaq niyyətindədir.
Bundan əvvəl Fransa Prezidenti Emmanuel Makron Ukraynadakı vəziyyətlə bağlı “qırmızı xətt”i müəyyən etməkdən imtina edib. Ukraynada kimyəvi silahdan istifadə etməklə bağlı Moskvaya qarşı ittihamlara cavab olaraq Makron vurğulayıb ki, “qırmızı xətt”i açıqlamaq münaqişə tərəfinin müttəfiqinə çevrilmək və Rusiya ilə müharibəyə girmək deməkdir.
Mənbə: Lenta.ru
