Gürcüstanda azərbaycanlıların yığcam yaşadıqları Kvemo Kartli (Borçalı) bölgəsinin qubernatoru Şota Rexviaşvili istefa verməyə hazırlaşır.
“Report”un yerli bürosu xəbər verir ki, bu barədə regional “TV4” telekanalı məlumat yayıb.
Bildirilib ki, Ş.Rexviaşvili fəaliyyətini Gürcüstanın barışıq və vətəndaş bərabərliyi üzrə dövlət nazirinin idarəsində davam etdirəcək.
Onun yerinə müavini Giorgi Doxturaşvilinin təyin olunacağı ehtimal edilir.
Qeyd edək ki, Ş.Rexviaşvili 2018-ci ildən Kvemo Kartlinin qubernatoru olub. O, 2014-cü ildən qaçqınların işi və yerləşdirilməsi məsələləri üzrə nazir müavini, 2012-2013-ci illərdə Gürcüstan baş prokurorunun müavini, 2004-2088-ci illərdə isə Kvemo Kartli bölgəsinin prokuroru vəzifələrində çalışıb.
